José Luis Bilbaok azaldu duenez “egon,badaude” Aldundian “ondo egiten ez diren gauzak”, baina baieztatu du kasu honetan “Aldundiak ez duela bizkaitarren defentsan inolako huts egiterik egin". Ondorioz uste du “ ez dagoela gai honetan barkamenak eskatzeko arrazoirik”.

Gaineratu duenez, Auzitegi Gorenak bere epaitza eman ondoren, zerbitzu juridikoek uste dute ez dela “gainerako jarduerarik martxan jarri behar”. Halaber, azaldu egin du honetan eta Aldundia tartean dagoen beste batzuetan, foru erakundea ez dela “bultzada politikoz” ari, baizik eta zerbitzu juridikoek planteatzen diotenaren arabera jarduten duela.