Ortuzar-ek adierazi du “mundu guztiak pentsatzen duela EAJ-PNVk gobernatuko duela" datozen lau urteetan Euskadin, eta zehaztu du hau dela alderdiaren erronka Ajuria Enera heltzen bada: baterako akordioak lortzea ezker abertzalearekin, PSE-EErekin eta PPrekin krisiari, bakeari eta estatus berri bati buruz.

Bizkaiko EAJ-PNVko presidentearen iritziz, Lehendakaria “ezkutaketan" jolasten ari da datozen hauteskundeak deitzeari buruzko gaiarekin, "bere Gobernuaren desgaitasuna eta ideia-falta ezkutatzeko".

EAJ-PNVk "ezkutuko programarik" ez daukala berriz esan ostean, adierazi du bere alderdia ari dela "mahai gainean proposamenak jartzen, paperak idazten, paper horiek aurkezten, gizartearekin erkatzen eta ekarpenak batzen".

“Inor gauzak esan eta egiteko mugitzen ari bada, hori EAJ-PNV da. Hemen benetan ezkutatuta dagoena Eusko Jaurlaritzaren kontuen egoera da, eta Eusko Jaurlaritzaren kutxa zein egoeratan aurkituko dugun”, ziurtatu du.

“Nahierara sartu ziren pertsonei kontratu mugagabeak egiten ari dira, ordainketak geroratzen eta hiru, lau edo bost urteko kontratazioak egiten ari dira, legegintzaldiko hilabete gutxi batzuk bakarrik geratzen bazaizkie ere”, adierazi du.