Onda Vascairratiak egin dion elkarrizketa batean adierazi duenez, PSE-EE dagoeneko “kanpaina zeharo neurrigabekoan murgilduta dago, lehendakari batek eskura dituen baliabide publiko guztiak erabiliz”. 

Horrenbestez, haren iritzian, “abantailaz jokatzen ari dira” “borroka erabat desorekatu batean”, eta “manipulatzen” ari dira Euzko Alderdi Jeltzalearen Euzkadi Buru Batzarraren lehendakaria den Iñigo Urkulluk fiskalitateaz egin duen proposamenari buruz esan dituen hitzak. Haren aburuz, Lehendakaritza EAJren aurka “erabiltzen” dihardute.

Adierazi duenez, bere Alderdiak zerga arloari buruz egin duen proposamenaren xedea ez da gobernu baten hersturak leuntzea, ekonomia berraktibatzea baizik. Ondoren galdetu du ea nora joan diren Jaurlaritzak zorrean dituen "milaka miloiak". Ortuzarrek esan duenez, “diru gehiagorekin gauza gutxiago egin dituzte”, eta zehazki, “langabezia gehiago eta zor gehiago daudela egun”.