EBBren presidente eta lehendakarigaiak, Iñigo Urkulluk pentsioen kudeaketa Euskadira ekartzeko aldarria egin du. "Abertzaletasunarekin ez dira pentsioak bukatuko, kontrakoa, bermatu egingo ditugu. EAJrekin pentsiodunek euren pentsioak jasoko dituztela bermatuko du. Gernikako Estatuta bete behar dute, Gizarte Segurantzaren kudeaeta Euskadira ekarri behar da", esan du Urkulluk, eta gaineratu du Madrilek, pentsioen kutxa hustu egingo dutela. 

"Euskadiren Autogobernuan sakontzeko ezinbestekoa da pentsioak hemen kudeatzea, Gizarte Babeserako Euskal Sistema finkatzeko ezinbestekoa da, eta azken batean, euskal hiritarrei arreta hobea emateko. Hauxe da EAJri interesatzen zaiona. Autogobernua, Ongizatea da", esan du Urkulluk. Hautagai jeltzaleak azpimarratu du EAJren helburua ekonomia berpiztea dea, goseak dagoen herria ez delako bere etorkizunaren jabe. 

Urkulluk, bestalde, guztien arteko Akordioa, Ituna bultzatu du, krisitik irten, Bake iraunkorra finkatu eta Europan Nazio bezala hazteko. 

Amaitzeko, Iñigo Urkulluk urriaren 21ean EAJ bozkatzera deitu ditu herritarrak, "benetan gobernatuko duen Gobernua izan dezan Euskadik. EAJ-k gobernatzea nahi duenak, EAJri eman diezaiola bozka, esan du. "Gure konpromisoa eskaintzen dugu" esanez, amaitu du.