Horrela ba, Tejeria Legebiltzarreko mahaiko burua izango da, Eusko Legebiltzarra eratzeko Osoko Bilkuran, bigarren bozketan,gehiengo sinplea lortu duelarik (aldeko 27 boto, baliorik gabeko bi eta 46 boto zuri).

Bakartxo Tejeria Eusko Legebiltzarreko lehendakari berriak alderdi guztiei luzatu die krisi ekonomikoa gainditzeko  eta bakea eta elkarbizitza finkatzeko akordio "zabalak" lortzeko deia, Euskal Ganbera Autonomikoaren hamargarren legegintzaldia irekitzeko ospatu den osoko bilkuran.

Bere hitz egitean, Tejeriak gogoratu nahi izan du Euskadiko autonomiaren historia osoan, lehenengoa  izango dela "ETAren indarkeriarik gabe". Ezker Abertzalea Ganberara itzultzeaz azpimarratu nahi izan du Ganbera legegilean "aukera politiko guztiak" egongo direla.

Halaber, egoera politiko "larria" aipatu nahi izan du, eta "gastuak neurtzeko" beharra azpimarratu du, ekonomia berpizten laguntzeko beharra  eta gizartearen ongizatea  bermatzeko eta estu eta larri daudenak lehenestekoa.

Baieztatu duenez, hori dena "akordio zabalen" bidez egin beharko da. Tejeriak "itxaropen mezua" aldarrikatu du, eta  hitza eman du politika "duin eta erakargarria" egiteko ahalegina egingo duela.