Maruri-Jatabe " Jasangarritasun Integrala" izeneko kategoriaren finalean geratu da  “Jostailuak bai, planeta hobea ere bai – Juega reciclando y ayuda reutilizando”  izenburupean 2011ko otsailetik martxora bitartean egin den egitasmoari esker.

Ekimenaren helburu nagusienen artean zegoen biztanleria jostailuen kontsumoaren inguruan  eta gauzak berriro erabiltzeaz sentsibilizatzea; eta, aldi berean, gaur egun  ekonomia aldetik ematen diren desoreka egoeretaz kontzientziatzea. Zentzu honetan, Koopera eta Cáritas erakundeek egiten duten lana eman da ezagutzera.

Egitasmo honetan,  Maruri-Jatabeko alkate , zinegotzi eta langileek parte hartu dute. Era berean, oso garrantzitsua izan da udalerriko pertsona batzuen ekimena, Jatabemendi Elkartearen jarduna, eta Maruri-Jataben bizi ez arren, egitasmoaren alde lan egin izan duten pertsonen lana

Maruri-Jatabe  Udalsarea 21, Jasangarritasunaren aldeko udal sare barruan dago 2003ko abendutik, eta honakoa da Udalsarea 21 sarietara aurkeztu den bigarren aldia. Aurreko edizioan (2010)  ere finalera iritsi zen " Medikuaren Kontsulta jasangarritasun irizpideen arabera eraikitzea" egitasmoarekin.