Morgako udalak arduraz hartu du bere herritarrei bizitza kalitatea hobetuko dien zerbitzu eta prestazioak eskaintzeko lana. Zentzu honetan garatzen ari da herrian ile-apaindegi, masaje eta podologia Udal Zerbitzuak martxan jartzeko. Inbertsio honi aurre egiteko (100.782€) Morgako udalak diru laguntasuna eskatu dio Eusko Jaurlaritzaren Erein egitasmoari, proiektua aurrera eraman ahal izateko beharko duena.

Planteamendua da ile-apaindegi, masaje eta podologia zerbitzu berria herriko botikaren ondoan jartzea, Andre Mari auzoan, antzinako Maisu Etxeko beheko solairuan. Eraikin hau, udalerriko lehen botika egiteko berriztatu zen eta pentsatuta dago lehen solairuan erabilera anitzeko gela egokitzea.