Eraberritu duten azpiegitura hau auzoko eskola zaharraren lokaletan dago, hasierako egitura zaharra errespetatzea bilatu delarik. Eskola zaharrek bizitza berria izango dute Zamudioko herritarrentzako topagune gisa Galbarriatu auzoan eta Larragoiti poligonoan dauden txokoekin batera. Eraikina guztiz ekipatuta dago, sukaldea eta komunak ditu; eta, horrez gain, 26 lagunentzako areto bat. Txokoa alokatu ahalko dute Zamudion erroldatutako hiritarrek eta baldintzak Galbarriatuko txokorako ezarri ziren berberak izango dira.

Eskola zaharretan egin diren lanekin batera, ondoko aparkaleku berria ere egin da hogei bat auto sartzeko. Gainera, idi probetarako karrajua ere egin da. Toki hau maldan dagoenez eta orain arte errepidea bera erabiltzen zen karraju gisara. Toki berria askoz egokiagoa da xede horrekin planifikatua izan delako.