Eskola umeek  kaleak apaindu dituzte euskararen erabilera bultzatzeko mezuekin. Hitzez eginiko adierazpenaren ondoren, Dolores Ibarruri Institutuak antolatutako disko festa egin da eta  bestelako jarduera batzuk  egin dira eskola umeentzat.

Zalantzarik gabe, Euskal Asteko ekitaldirik esanguratsuenetakoa da Euskal Ezkontza, aurten apirilaren 20an  egingo dena. Larunbatean eguerdiko 12etan irtengo dira ezkongaiak beren etxeetatik ( emaztegaia Murrietatik eta senargaia San Lorentzotik). Abanto Musika Eskolak eta Aldatz Gora Fanfarreak musikaz alaituko dute giroa. 12:30ean dotea irakurriko da Haritzalde enparantzan eta ondoren eskualdeko bertsolarien bertsoak, txalaparta musika eta Enarak Dantza Taldearen dantzak eskainiko dira. Meza San Pedro Apostoluaren elizan izango da eta ondorengo herri bazkarira joateko, euskal jantzi tradizionalak jantzi beharko dira.