Euzko Alderdi Jeltzaleak "gure herriko normaltasuna zapuztu nahian dabiltzanei" eskatu die jarduera horiekin behin betiko amaitzea, konponbideak ekarri baino "euskal gizartearen gehiengoak amesten duen normaltasuna eragozten dutelako".

"Politika eta demokrazian ez du denak balio" azpimarratu dute. "Uste genuen halako jarduerak iraganeko gauzak zirela. Denon arteko elkarbizitza eraikitzeko, bakean bizitzeko, elkar errespetatzeko eta demokrazian eta politikan konfiantza izateko, ezinbestekoa da bortxakeriaren hazia behin betiko uztea" gaineratu dute.