Atutxak gaineratu duenez "entzuteko prest dauden pertsonek osatutako alderdia gara, gure eguneroko lana hobetzeko ekarpenak entzuteko prest gaude. Beti egin dugu, eta gure gizartearekin batera aldatu gara, gure herritarrekin harreman estua mantentzeko bideak eguneratuz" .

“Egiten dugun apustua hiritarrek elkarreraginerako eskatuko dizkigun tokiak sortzetik harago doa. Topagune batzuk izatea, erabaki publikoak hobetzeko aukera da gobernuentzat. Bide horretan aurrera egin behar dugu, gero eta berrikuntza handiagoa eginez" esan du BBBko presidente andreak.

Amaitzeko, Itxaso Atutxak azpimarratu duenez "EAJ-PNVren gobernuen konpromisoa sakona da. Datu bat emango dut hori egiaztatzen duena: 70 esperientzia parte hartzaile egin dira azken 6 hilabeteotan. Gaurko honetan urrats berria eman nahi izan dugu. Gobernu Irekirako urratsa. Parte hartzerako urrats irmoa, bere metodologian teknologia berriak sartuko dituena. Gardentasunerako urratsa".