Bonben jomugak 3 ziren: Otxandio, Elorrio eta Durango. Savoia bonba-hegazkinek bonba-tona ugari jaurti zituzten herritarren gainean.

Lehenengo mundu gerran egon ziren dagoeneko biztanleria zibilaren aurkako bonbardaketak, baina Durangokoa izan lehena era planifikatu eta sistematikoan egin zena. Gerra-estrategia berri baten hasiera izan zen.

26 egun geroago, Alemaniako Condor legioak, hegazkin italiarren laguntzaz, Gernika bonbardatu zuen.

Durangoko Udalak, aurten ere, omendu izan ditu bonbardaketa jasan zuten pertsona guztiak, errespetua, aitortza eta omena merezi dutelako.  Are gehiago, matxinatuek diseinatu eta hegazkin italiarrek gauzaturiko bonbardaketa lazgarri honen atzetik, 40 urte ilun etorri ziren: beldurra, gezurrak eta diktadura zorrotza nagusitu ziren urte luzez. Garai hartako durangarren duintasunak tinko iraun zuen, baina justiziazkoa da, guk, oinordekoek, gertakari tamalgarri haiek urtero gogoraztea.