Bizkaitar jeltzaleen buruak adierazpen hauek egin ditu Bizkaiko herriko batzokian ospatu den prentsa aurrekoan, David Latxagak Amorebieta-Etxanoko hurrengo zerrendan joango ez dela iragartzeko egin dena. Hautagaia aukeratzeko prozesua atzo,apirilak 8 hasi zen eta maiatzaren 8an amaituko da Amorebieta-Etxanon talde jeltzaleak eramango duen zerrenda-burua aukeratzen denean.

Atutxak azpimarratu duenez "azken hamabi urteotan, Amorebieta-Etxanoko herritarrek beren konfiantza jarri dute EAJ-PNVren gizon eta emakumeengan, udal hau zuzentzeko. Eskertzekoa da babes hori. Espero dezagun hurrengo udal taldeak ere herritar gehienen babesa jasotzea, herriak etorkizunean martxan jarriko dituen egitasmoak ondo kudeatu ahal izateko".

David Latxagak adierazi duenez "Alderdiari, lankideei, Herri osoari eskertu behar diot unerik latzenetan lagundu digulako. Aurrean izan ditugunei esan nahi diet hobe egin gaituztela. Ez naiz 2015ean aurkeztuko baina urte bete geratzen da eta aldi honetan lan batzuk amaitu eta beste batzuk hasiko ditugu. Amorebieta-Etxano ez da geldituko".      

“Herria egoera oso onean uzten dugu. Lana ondo egiteak ematen digun pozarekin joaten gara, bere argi eta ilunekin,baina uste dut gehiago izan direla ondo egin ditugunak. Lekukoa beste batzuei uzteko unea da. Beharrezkoa da,herriak aurrera egin dezan" amaitu du David Latxaga alkate zornotzarrak.