2014/06/06

Justiziak berriz baliogabetu du Bildu eta ez du arrazoirik ikusten Bakioko Txakolingunearen esleipenaren aurrean diligentziarik zabaltzeko

Beste behin ere, justiziak bidea itxi dio Bilduk EAJ-PNVren ustezko eginbide irregularrak salatzeko daraman estrategiari. Estrategia honekin Bilduk Euzko Alderdi Jeltzaleak duen irudi onarekin, azken 100 urteetan landu duen irudiarekin, bukatu nahi du. Oraingo honetan, Bizkaiko fiskaltza probintzialak amaitutzat jo ditu Bilduk Bakioko Txakolingunea esleitzeko prozeduran salatu dituen ustezko irregulartasunak ikertzeko eskariarekin hasitako izapideak. Bilduk aurtengo urtarrilean aurkeztu zuen eskabidea eta "fondo publikoak bidegabe erabiltzea eta iruzur egitea" egotzi zitzaion Aitor Apraiz alkateari. Baina, beste behin ere, justiziak lurretik bota ditu Bilduk EAJ-PNVren arduradun instituzionalen izen ona zikintzeko egiten dituen saiakerak, eta arrazoia eman dio Bakioko udalari, museoa egiteko proiektua kudeatzeko eta esleitzeko orduan garatu duen jardunean.