Bizkaiko Foru Aldundiak ematen duen Ohorezko Lauaxeta Saria aintzatespen bat da, Bizkaian euskararen sustapen, zabalkuntza eta normalizazioan ahalegina eta lana egin duten pertsona edo taldeei esker ona adierazteko balio duena. Edizio honetako jasotzaileak Bizkaian euskaraz emititu zen lehen saioaren profesional aitzindariak izan dira. Lan talde horren kideak Juan Mari Iraolagoitia, Inmaculada Gallastegi, Adolfo Arejita, Angel Mari Unzueta, Jesus Egustiza, Pedro Mari Goikoetxea, Jesús Etxezarraga, Mª Pilar Muniozguren eta Sabin Barruetabeña ziren.

Beste alde batetik, Poesiako Lauaxeta Saria Joxan Artzeri eman zaio bere ‘Heriotzaren ataria dugu bizitza’ obragatik. 35 urtetik beherako olerkarien poesiaren arloan, epaimahaiak Jule Goikoetxea saritu du ‘Tractatus’ obragatik. Azkenik, Ikus-entzunezkoen Lauaxeta Saria Iban Gonzalez Pagaldayri eman zaio ‘Goazen gudari danok’ dokumentalagatik.

Lauaxeta Sariek Lauaxeta izan zenaren oroimena gogora ekarri ez ezik, gizartea inplikatu nahi dute euskararen erabileraren sustapenean. Bere berbaldian Ahaldun Nagusiak pertsona sarituak zoriondu ditu eta euskararen sustapenean eta zabalkuntzan duten inplikazioa eskertu die. Bere hitzaldia amaitzeko, Bilbaok esker ona adierazi die egunero, efemeride edo ospakizun bereziak izan gabe, euskara sustatzen, bultzatzen eta zabaltzen lan egiten duten pertsonei.