Egun horretatik aurrera Udalaren web orrian egokitu dan galdera-sortan parte hartu ahal izango da (www.galdakao.net), eta bertan txertatu dan  lanabes digitalaren bidez ekarpenak egin ahal izango dira. Era berean,  udalerrian galdera-sorta horren eskuliburu bat buzonetatuko da, kasu honetan, erantzuna ohiko posta bidez proposatu ahal izango da frankeo beharrik gabe. Galdera-sorta Udaleko Erregistro Orokorrena be entregau daiteke.

Ekarpenak jasotzeko epea urtarrilaren 23an, barikuz,  amaituko da.

Galdakaoko Udalak herritarren ekarpenak eskertu egiten dauz, asko barrez. Izan be, urteokaz egindako ekarpen askori eskerrak udalerriko hainbat alderdi hobetu da, ekarpenak jaso eta ondu diren heinean.

Aurreko urteetan legetxe parte hartzeko bideak ugariak dira, baina Udaleko Gobernu-taldeak eginahalak egingo dauz herritarren ekarpenak eskuz jaso eta danon eretxia entzuteko, tokian-tokian eta berenberegi ipinitako karparen bitartez; ondoko egun eta ordutegian:

Urtarrilak 14, eguaztena

Udaletxea: 9:30 - 14:00

Urtarrilak 15, eguena

Usansolo: 16:00 – 19:00

Urtarrilak 16, barikua

Urreta (anbulatorioa): 9:30 - 14:00

Urreta (kiroldegia): 16:00 - 19:00

Urtarrilak 19, astelehena

Sixta Barrenetxea: 9:30 - 14:00

Aperribai: 16:00 - 19:00

Urtarrilak 20, martitzena:

Aperribai 16:30 - 19:00

Urtarrilak 21, egueztena:

Bengoetxe 16:30 - 19:00

Galdakaoko alkateak 2014 urteko azaroan gonbidatu ebazan gainerako alderdi politikoak, aurrekontu parte-hartzaileari buruzko galdetegian ekarpenak egiteko.

Igaz, Galdakaoko Udalak ekimen honen bitartez hirurehun ekarpen inguru jaso ebazan.