Euzko Abertzaleak batzarkide taldeak urrats berria eman zuen atzo goizean Usansolo Galdakao herriarengandik banatzeko prozesuaren definizioan, Gernika-Lumoko Batzar Etxean egindako otsaileko osoko bilkuran. Bizkaiko ganberako EAJ-PNV taldeak hiru zuzenketa aurkeztu ditu oposizioak egindako mozio baten inguruan Bizkaiko Foru Aldundiak Usansoloren banaketa prozesuari irtenbidea emateko hartuko dituen neurriei eta martxan jarriko dituen jarduerei buruzko mozioari.

Euzko Abertzaleak taldeko 22 batzarkideek zuzenketei aldeko botoa eman diotelarik, Bizkaiko Batzar Nagusiek onartu egin dute Galdakaoko Udalak Usansoloren banaketarako bide orriak aurrera egitea legez eta demokratikoki ezarrita dauden bideak erabilita.

Halaber, Foru Gobernuak berretzi du herritarrek Usansoloren etorkizunaz hartuko duten erabakia errespetatuko duela eta beti erakutsi du ganberan Lurralde Mugapeen 9/2012 Foru Araua aldarazteko egitasmoa aurkezteko konpromisoa.