Beste alde batetik, itxiera mugikorra jarriko da handitutako estalkiaren aldean, ipar-mendebaldeko haizea saihesteko, batez ere. Itxiera mugikorra jarrita, alde hori estali eta desestali ahal izango da.

Estalitako gunea handitzeak eta alboko itxiera mugikorra jartzeak 225.000 euro inguruko inbertsioa izango dute. Lanak datozen hilabetetan gauzatuko dira. Modu horretan, Udalak erantzuna ematen dio Urdulizko familiek Tokiko Agenda 21 delakoaren onarpen-prozesuan egindako eskaerari. Gainera, horrela, jarraipena emango zaio Antsonekoako jolas-gunearen lehen estaldurari (lanok 2013ko amaieran egin ziren).

Proiektuaren xehetasun teknikoak

Ekintza-esparrua Antsonekoa plazan dago kokatuta, Antsonekoa, Torre, Krutzejada eta Aita Gotzon kaleen artean. Gune hori lorategiz inguratuta dago, eta plazan bertan daude umeentzako jolasak.

Elkarren arteko hiru maila desfasatuko markesina bat proiektatu da, ildo zuzenekoa eta oraingo estalkirantz doan malda duena.

Elkarren artean paraleloak diren lau arkupez dago osatuta, profil tubularrekoak, habe arindukoak eta ijeztutako altzairuzko uhaldunak; hain zuzen ere, uhal horien gainean jarriko dira polikarbonato zeharrargi koloreztatuko zerrendak.

Ipar-mendebaldeko fatxada eta alboetako fatxaden erdiak polikarbonato konpaktuz itxiko dira; alde bat finkoa izango da eta bestea mugikorra; azken horrek bi ate izango ditu bao bakoitzean, eta alde finkoaren atzean batu ahal izango dira, garabi-sistema batekin eta motor batekin.

Markesinaren azpian, berriro jarriko dira orain dauden argiak, sortutako espazio estali berria argiztatzeko asmoz.