Alberto Etxebarria Arteako alkatea aukeratu dute aho batez maiatzeko udal hauteskundeetarako Arteako jeltzaleen zerrenda buru izan dadin. Etxebarriak azken urteotan herriko Udalean eginiko lana ezinbestekoa izan da herriko EAJ-PNVren Uri Erakundearen babesa jasotzeko orduan.

Etxebarriak Udala gobernatzeko erronka "ilusioz beteta eta pozik" onartu du. "Artea udalerri zoragarria da, zerbitzu asko ditu eta bizitza kalitate handia, Bilbotik hurbil dago, Gasteiztik hurbil... Oso ondo komunikatuta dago", esan du.

Enpresaria da, ezkonduta dago eta seme eta alaba baten aita da. "Merezi du Artearen alde lan egitea, eta 2004 urtean bezala, erronka handia da gogotsu eta pozik onartzen dudana. Gainera, oso pozik gaude orain arte lortutakoarekin, beste gauza batzuen artean esan dezakegulako Udalak zero zorpetzea lortu duela".