Ezkondua da eta seme biren aita. Ager Izagirre aukeratu du aho batez Mungiako Uri Batzarrak herriko EAJ-PNVren alkategai izan dadin. Izaskun Uriagereka alkate andrearen lekukoa hartuko du, Mungiako alkatetzan zortzi urtetan eman ondoren.

Izagirrek esperientzia handia dauka udal esparruan, Mungiako Udalean bi legealditan izan baita zinegotzi (2023-2011). Lehen legegintzaldian Ogasun zinegotzia izan zen eta bigarrenean Hirigintza sailaren ardura bereganatu zuen. Toki administrazioko funtzionarioa da lanbidez, eta bere lana Elgoibarreko Udalean egin du idazkari lanpostuan eta, une honetan, Antolakuntza eta Giza Baliabide sailean.

Uri Buru Batzarretik esan dute Izagirre "apustu gaztea" den arren "eskarmentu handia" duela udal kudeaketa lanean. Era berean esan dute alkategaiak "Mungia herriaren eta auzoen garapenaren alde eta mungiar guztien ongizatearen alde" ahaleginduko dela.