Arantza Etxebarria Gorlizen jaioa. 2011 urtean bere jaioterriko alkate hautatu zuten 1999-2003 urte bitartean zinegotzi izan ondoren. Orain, berriro ere izango da jeltzaleen alkategaia, Uri Batzarrak aho batez aukeratua izan ondoren. Administrazio eta Merkataritza Tekniken ikasketak ditu. Bisitatzaile medikua eta nazioarteko enpresa bateko salmenta sustatzailea da lanbidez.

“Azken lau urteotan egin dugun bidetik segitu nahi dugu. Gorlizek hobera egin du, eta udal kudeaketa parte hartzaile, garden eta eraginkorraren aldeko apustua egiten segitzen dugu. Gorlizeko herritarrek egitasmo honetan daudela ikus dezatela eta beren bizitza kalitatea eta ongizatea izan daitezela hurrengo legegintzaldirako parametro nagusiak” esan du EAJ-PNV-ren alkategaiak.

Gorliz herriaz gustatzen zaionaz galdetuta, ez du zalantzarik izan. “Dena, herri zoragarria daukagu eta herrikideek egunero erakusten dute hori. Gazte piloa daukagu, eta kaleetan ikusten ditugu. Eta inguruaz, zer esan? Zoragarria. Bihotzez maite dut Gorliz herria”.

Arantza Etxebarria ezkondua da eta 11 urteko semea dauka. Gustuko du Gorlizeko inguruetatik ibiltzea eta irakurzale amorratua da: “Liburuak irentsi egiten ditut”. “Oso gustuko dut lagunekin egotea eta haiekin ospatzea, lasaitzen laguntzen nau”. “Baina, gehien maite dudana da nire herrikideekin egotea eta haiek hobeto ezagutzeko aukera izatea. Erronka bat da eta nire agintaldiko egun bakoitzean indartzen saiatzen naiz”.