Arrigorriagako Udalak Abusu auzoko Santa Isabel pilotalekua berriztatzen amaitu du jada, 28.000 euroko inbertsioa eragin duten hainbat jarduketekin. Arazo nagusietako bat teilatua zen, materialak egoera txarrean baitzeuden, eta itogin batzuk egoteaz gain, erabiltzaileentzako arriskutsua zen. Oso-osorik ordezkatu da 14.480,14 euroko gastuarekin.

Era berean, ingurua berregokitu egin da, eta pilotalekuaren kanpoaldea zein barrualdea margotu dira, baita barandak ere.  Instalazioetan udalerriko banderak dituen urdina, gorria eta zuria erabili dira.  Margotzeko gastua beste 14.000 eurokoa izan da gutxi gorabehera. Horri esker, instalazioak oso-osorik zaharberritu dira, eta atzean geratu da denboraren poderioz hondatutakoa, bai eta errespetu gutxiko pintada eta jarduketaren bat ere.  Hobetzeko jarduketak egin eta gero, maiz erabiltzen den pilotalekuak auzoko herritarrei aukera pilo bat eskainiko dizkie, jarduera frenetikoa berreskuratzeko prest baitago berriz ere.