Bizkai Buru Batzarrak beste behin gaitzetsi du euskal gizartearen gehiengoaren kontra herrialdeko hiru batzokitan egin diren eraso anonimo eta koldarrak. Oraingo honetan Ariz (Basauri), Gurutzeta, Elantxobe eta Bilbo Zaharra izan dira gaur goizean hormetan “PNV hiltzaile” adierazpenarekin agertu direnak.

EA-PNVren Bizkai Buru Batzarrak argi eta garbi adierazi nahi du halako jarduerak ez datozela bat gaur egun gizartean dagoen heldutasun politiko eta demokratikoarekin eta tolerantzian,aurrerabidean eta argi utzi du elkarbizitzan oinarritutako herri ereduari eragozpenak eta oztopoak baino ez zaizkiola jartzen. “Eraso hauen egileei eskatzen diegu halako jarduerekin behin betiko amai dezatela, konponbideak eskaini beharrean, hiritargoak amesten duen normaltasun politiko eta soziala eragotzi baino ez dutelako egiten”, esan dute jeltzaleek.