Prentsa Aretoa

Berriak

2017/07/13

Urdulizeko polikiroldegia eta eskola, martxan

Padel pistetako estalkia ikusgarri dago eta eskola 2018-2019 ikasturterako amaituta eta erabilgarri egongo dela aurreikusten da

rss Ezagutzera eman
Urdulizeko polikiroldegia eta eskola, martxan

ARGAZKIA JAITSI

Amaitzear daude jada kiroldegia handitzeko lanak. Futbol zelaiko harmailen ondoan dauden padel pistetako egurrezko estalkia ikusgarri dago jada eta epe laburrean amaituko dira harmaila horien beheko aldean egongo diren erabilera anitzeko aretoak eta gimnasioa eraikitzeko lanak. Lanak datorren seihilekoan amaitzea aurreikusi da.

Aldi berean, kirol jardueretarako erabiliko den gunea egokitzeko lana egiten ari dira, etorkizunera begira kiroldegia handitzeko erabili ahal izango dena.

Eskola handitzeko lanak

Hasi berriak dira Elortza Eskola handitzeko lanak. Makinak eraikin berria altxatuko den orubea prestatzen hasi dira eta,aldi berean, gaur egungo instalazioak egokitzeko lana egiten ari dira. Eraikuntza lanen arduraduna den aldetik, Eusko Jaurlaritzako Hezkuntza Sailak aurreikusitako epeak betetzen badira, instalazioak amaituta eta erabilgarri egongo dira 2018-2019 ikasturterako.

Hasiera batean, pabilioi berriak bi solairu izango ditu,baina eraikuntzan kontuan hartuko da etorkizunera begira beste solairu bat egin ahal izatea, ikasle kopurua handituko balitz eta tokia beharko balitz. Eraikuntza lanak egindakoan, eraikin osoa birmoldatuko da eta dena prest utziko da bi hezkuntza lineari tokia eman ahal izateko. Izan ere, jantokia ere handitzea pentsatu da 500 lagunentzako tokia egon dadin.

Jarrai iezaguzu Telegramen