Raquel Larruskainek, orain arte Galdameseko Udaleko alkateorde izan denak, Udaleko aginte makila bereganatu du Asier Larruceak Enkarterrietako herri honetako alkate kargua utzi ondoren.

Alkate berriarentzat lehen legealdia izango da eta Udal arlo guztiak hartuko ditu bere gain. Zinegotzi izendatua izan zenetik Raquel Larruskainek Berdintasuna, Gizarte Ekintza eta Enplegu arloak eraman ditu.

Galdameseko San Pedro auzoko herritarra da eta bertan bizi da, 50 urte ditu eta Irakasle eskolan diplomatua da. Funtzio publikora iritsi baino lehen garraio enpresa baten kudeaketaz arduratu zen eta hamabost urtetan herriko bake epailea izan zen.

Halaber, gaur eguerdian egin den ezohiko osoko bilkuran, Fernando Bilbao García EAJ-PNVren zinegotzi karguaz jabetu da.