Bizkaiko Foru Aldundiko kirol zerbitzuak, Abanto-Zierbenako Udalaren laguntzarekin, bizi-ohitura osasungarriak sustatu nahi ditu: jarduera fisikoa, elikadura eta higiene egokia… Azken batean, bizimodu positibo eta aktiboa, eta ingurumena errespetatzen duena.

Horren harira sortu dira parke bio-osasungarriak; aire zabaleko gimnasioak dira, jarduera arina era erakargarrian egin ahal izateko bereziki pentsatutakoak.

Aldundiak parke bio-osasungarrietarako jarduketa-programa bat eskaintzen die 20.000 biztanle baino gutxiago dituzten udalerriei, herritar guztiek, kasu honetan, Abanto Zierbenako herritarrek jarduera fisikoa egin dezaten sustatzeko. Programa honen bidez, parkeko elementuak nola erabili azaltzen da, ondoren herritarrek era autonomoan erabili ahal izan ditzaten.

Programa Alberto Ezkurdia parkean egingo da maiatzeko eta ekaineko ostiral guztietan, maiatzaren 11tik ekainaren azken astera arte. Guztira, zortzi saio egingo dira, 09.30etik 10.30era, eta teknikariek emango dituzte.

Proiektua doakoa izango da, baina plaza kopuru mugatua dago (20 plaza). Abanto-Zierbenako udal-igerilekuetan eman beharko da izena, eta kontuan hartuko da izen-ematearen ordena.