EAJ-PNVk irmo gaitzetsi du Madrilgo Komunitateko presidente Isabel Díaz Ayusok euskarari erakutsi dion “errespetu falta”, Presidenteen Konferentziatik atera denean Imanol Pradales euskaraz hasi denean aldibereko itzulpen zerbitzua eskaintzen zen ekitaldian. Maitane Ipiñazar Euzkadi Buru Batzarraren idazkariak adierazi duenez “errespetu falta da, Lehendakariari, euskal erakundeei eta euskal hiritargoari”. “Bere burua askatasunaren defendatzaile jotzen duen pertsona hori aretorik atera da Lehendakaria hizkuntza ofizial batean mintzatzen hastean, euskaraz aritu baita. Horrek erakusten du Madrilgo Komunitateko presidentearen izaera. PPren ezaugarria. Agerian utzi du PPri Euskadik zenbat axola dion”, ezarri du Ipiñazarrek.