EAJ-PNV Trapagaranetik gure kezka helarazi nahi dugu Tubos Reunidosek iragarritako Enplegu-Erregulazioko Espedientea (EEE) dela eta. Albiste honek hainbat langileei, haien familiei eta gure udalerri osoari eragiten die, konpainiaren lantegietako bat gure herrian kokatzen baita.

Trapagaran industria-tradizio handiko herria da, bertako jendearen ahaleginari esker eraikia, baita garapen ekonomiko eta sozialaren parte izan diren enpresen sustraitzeari esker ere. Horregatik, albiste hau ez da kontu abstraktu bat: eragin zuzena du pertsona askoren orainean eta etorkizunean.

EAJ-PNV Trapgaranetik elkarrizketa, lankidetza eta inplikatutako alderdi guztien arteko erantzunkidetasunaren garrantzia azpimarratu nahi dugu. Ziur gaude, elkarrekin lan eginez, alternatiba desberdinak aztertzeko aukerak egon daitezkeela, gure gizartean zein lan-esparruan sor daitezkeen inpaktuak minimizatzeko balio ditzaketenak.

Langileei gure babesa eta hurbiltasuna adierazi nahi diegu, bai eta irekitzen diren prozesuetan laguntzeko prest gaudela ere, betiere jarrera eraikitzaile batetik, enplegua eta industria-jarduera babestera bideratutako jarreratik.

Era berean, konfiantza dugu euskal erakundeen eginkizunetan; izan ere, beste kasu batzuetan ere erakutsi dute industriarekin, enpleguarekin eta Euskadiko produkzio-sarearekin duten konpromisoa, baita testuinguru ekonomiko konplexuetan irtenbideak bilatzeko ardura ere.

EAJ-PNV Trapagaranek inplikatuta, adi eta elkarlanean jarraituko du edozein erabakik gure udalerriko pertsonak, enplegua eta etorkizuna kontuan har ditzan.

Enplegua, industria eta Trapagaran defendatzea lehentasuna izango da aurrerantzean ere.