EAJ-PNV Udal taldeak EH Bildurekin batera auzoetako jaietarako diru-laguntzak handitzeko eta jaien artean dauden aldeak zuzentzeko mozioa erregistratu du.

Trapagarango Udaleko EAJ-PNV Udal Taldeak otsailaren 27ko osoko bilkuran aurreratu zuen bezala, Ogasun eta Ondare Batzordera eraman zuen proposamena, ospakizun hauetara bideratutako partida ekonomikoak eguneratzeko helburuarekin.

Ekimenak jai-batzordeek antolatzen dituzten jai-programen bideragarritasuna bermatzea du helburu, azken urteotan izandako kostuen igoerari erantzunez.

Proposamenak honako eguneraketak jasotzen ditu:

•            Ugarte: 17.000 eurotik 22.000 eurora.

•            Zugaztieta: 22.000 eurotik 24.000 eurora

•            San Gabriel, Zaballa, Elguero eta Larreineta: 12.000 eurotik 15.000 eurora.

EAJ-PNVk gogorarazi du ekimen hau gobernu-taldeak aurretik batzordetik igaro gabe zenbateko txikiagoak onartzen saiatu ondoren aurkeztu dela. Hainbat auzo-elkartek jada eskatu zuten diru-kopuruak eguneratzea, prezioen igoera orokortuaren ondorioz

Trapagarango EAJ-PNVk espero du proposamena ahalik eta lasterren onartu ahal izatea, zenbateko berriak aurten ospatzen diren jaiei aplikatu ahal izateko.