Loiuko EAJ-PNVk udalerriko auzo guztiekin duen konpromisoa erakusten jarraitzen du, baita Larrondorekin ere; izan ere, azken hilabeteetan adin guztietako bizilagunen gozamenerako instalazio berriak inauguratu dira bertan.

Horien artean nabarmentzekoak dira Larrondoko gimnasioa, herritarrek oso ondo baloratu dutena; txiki-txokoa, txikienen aisialdirako begirale batekin eta urtebetetzeak ospatzeko espazioarekin; eta gazteleku berri bat, begiralearekin baita, auzoko gazteei zuzendua.

Inbertsio horiei esker, Loiuk, udalerri txikia izan arren, bi gazteleku, bi txiki-txoko eta bi gimnasio izango ditu 2026an, instalazio modernoak eta eguneroko erabilerarako zerbitzu jarraituak eskainiz (makinak, begiraleak eta mantentze-lanak). Horrek guztiak agerian uzten du Loiuko EAJ-PNVk udalerri osoko haur, gazte eta helduen ongizatearen, aisialdiaren eta garapenaren alde egindako apustu irmoa.

Alderdi jeltzaleak nabarmendu duenez, “aurrera jarraitzen dugu auzo guztietan bizi-kalitatea hobetzeko konpromisoarekin, herritar guztientzako topaguneak eta jarduerak sortuz”.