Lehendakari jeltzalearen aburuz “Madrilen hartu den erabaki honek, Espainiako Gobernuaren eta Espainiako sindikatu nagusien arteko aldez aurretiko hitzarmena bete dadila ahalbideratuko du. Honela, Sestaoko Ontziola –errudun- bihurtu eta Rodriguez Zapateroren gobernuak Bruselari eskaini ahal izango dio”.

EAJko BBBren lehendakariak azaldu duen legez “Espainiar gobernuak azken hilabete hauetan egin duen bakarra zera izan da: euskal enpresa eta Bizkaiko itsas sektore osagarri guztiak etorkizuneko bideragarritasun egitasmo guztietatik kanpo hutsi”.

Urkulluren esanetan “gaurtik aurrera, Patxi Lopezen eta euskal sozialisten interes politikoen arabera, ontziolaren itxieraren data aurreratzea edo urruntzea baino ez da lortuko. Enpresa pribatuen parte hartzea izan edo ez izan”.

Amaitzeko BBBren lehendakariak zera adierazi du: “momentu honetatik aurrera Espainiar Estatua eta Euskadiren arteko harreman garai berri bati hasiera emango diogu. Inbertsio gabezi nabaria jaso behar izango duen garai berri bat. Garai honetan gainera berezko erabakiak hartzen jarraitu beharko dugu. Honela, ekonomia, gizartearen ongizatea eta Espainiar Gobernuak ezartzen dizkigun berezkoak ez diren kostuak Estatuari fakturatzen jarraitu beharko dugu”.