Ariztondok gaineratu duenez Eusko Legebiltzarraren lehendakaritzarako EAJ-EA koalizioaren hautagaia Juan Maria Atutxa da "izan ere, kargu hori betetzeko perfilik apropos eta egokiena baitu" eta hurrengo egunetan "behar diren guztiei erakutsiko diegu Atutxa berriz izan behar dugula legebiltzarburu".

Era berean, EBBren idazkariak Juan Maria Atutxa "Eusko Legebiltzarra modernizatu eta teknologia berriak Ganbera horretan barneratzea lortu duen gizona" izan dela adierazi du. "Gaitasunen honek eta euskararen alde beti egin izan duen ahalegin eta esfortzuak legebiltzarburutarako hautagairik egokiena egiten dute".