Metroa uste baino urtebete lehenago helduko da Basaurira. 2010. urtean hasiko da funtzionatzen Euskal erakundeen laguntzinoari eta konpromisoari esker (Basauriko Udala, aldundia eta Eusko jaurlaritza), metroko obrak uste baino lehen amaituko dira. EAJ/PNVk kudeatzen dauzan erakundeek ia 87 milioi inbertiduko dabez proiektu honetan, 2010. urterako amaituta egongo dana. Atzo aurkeztutako akordioaren arabera, obrak hilabete batzuk barru hasiko dira, datorren urteko udan, zehatzago esateko. Proiektuaren ezaugarri nagusietako bat da ia osorik lurpean joango dala. Akordioa José Luis Bilbao Bizkaiko ahaldun nagusiak, Nuria Gómez de Gereñu Eusko Jaurlaritzako Garraio sailburuak eta Rafa Ibargüen Basauriko alkateak sinatu eben atzo.