Bozeramaile abertzaleak aipatu du ez duela “espetxetik ateratzea itsu-itsuan defendatzen, ezta anmistiarik ere”, gai horiek “kontu handiz” jorratu behar baitira. Halaber aipatu du EAJ “ez datorrela bat ETAkoak izan daitezkeen eta askatasunik ez duten pertsonei estatus politikoa ematearekin”, baina “hurbilketa politika ezarri behar dela” errebindikatu du.

Urkulluk azpimarratu du espetxe politika “dinamikoagoa eta adostuagoa” izan dadin eskatu behar dela, baita espetxe arloko transferentzia ere, “bakegintzaren arloan, askatasunik gabeko pertsonekin eta terrorismoaren biktimekin zerikusia duten kontuetan, euskal erakundeen protagonismoaren alde egin dezakeen elementua baita”.