TVEk egin dion elkarrizketan, Urkulluk azaldu du "Estatu espainiarrean modu atseginean kokatzeko erlazio-eredua, hots, euskal gizartearen gehien-gehiengoak onesten duen elkarbizitza-markoa eta erlazio-markoa" eskainiko diola Ibarretxe lehendakariak Rodríguez Zapaterori.

Buruzagi jeltzaleak adierazi duenez, "euskal nazionalismoak eta lehendakariak karta guztiak ipini dituzte mahai gainean, denen agirian, Madrili elkarrizketa politikoa eskaintze aldera; horren aurrean, kontua batere hausnartu barik, aurrekoak defentsiban jartzen dira, erreferenduma edo kontsulta legez kontrakoa izango balitz bezala, izatekotan ere alegala besterik ez bailitzateke izango".