Honen bidez, Ibarrangeluko udalak “Martxoaren 7an Arrasateko herritarra zen Isaias Carrascori bizia kendu zion ETAren atentatua, sendo eta indartsu gaitzesten” duela eta “dolua eta elkartasuna” adierazten diola Carrascoren sendiari, adierazi du.

“Une honetan, inoiz baino gehiago, askatasunean eta demokrazian oinarritutako bideak estimatu eta goresten” dituela azpimarratu du Ibarrangeluko Udalak eta “ETAren jarduna mespretxatu” egiten duela. “Bere jarduna bertan behera utzi dagiala eta Arrasateko atentatua askenekoa izan daitela” exijitzen dio baita Udalak ETAri.

Bukatzeko, Ibarrangeluko Udalak “atentatu honen kontra eta askatasunaren eta demokraziaren alde antolatzen diren ekitaldietan” parte hartuko duela azaldu du “eta beragaz batera agertu daitezela” eskatu die hilketan kontra dauden guztiei.