Igorreko EAJ-PNVk "ez du ontzat ematen izendapen hori, jai batzordeak aukeratutakoa izan zelako Juan Mari Atutxa gure alderdikidearen kontra antolatu zen erasoaren arduradunetariko bat. Marañon ezin da gure jaietako pregoilaria izan. Lotsagabekeria  da eta errespeturik eza Igorreko bizilagun askorekiko, Marañonek pregoia irakurtzea. Igorren egon badaude izendapen hori merezi duten pertsonak eta taldeak, bake gizon eta emakume ugari, eta denak izan daitezke jaietako pregoilari".

"Kultura zinegotziaren jarduera salatzeaz gain, gobernu taldearen eta honen barruan ID (Igorre Danontzat) talde askearen ausardiarik eza  ere salatu nahi dugu" gaineratu dute Igorreko jeltzaleek.

Amaitzeko, Igorreko EAJ-PNVk herriko bizilagunei zuzendutako deia zabaldu du "jaiak hasteko pregoia irakurtzeko ekitaldian parte har ez dezaten eta jaietako gainerako ekitaldietara bakean joan daitezen".