Bozeramaile jeltzaleak azpimarratu duenez, "2009ko abuztuan Bizkaiko Foru Aldundiak iragarri zuen 1,75 milioi euro inbertituko dituela eta hauetatik 800.000 euro erabiliko dira gaurko honetan Tontxu Rodríguezek eta bere taldeak bereganatu nahi duten lana egiteko" Ballonti-La Arena bidegorriaren luzapena ahalbidetzeko".

Del Campok salatu duenez,  Tontxu Rodríguezen Gobernu taldearen jarduerak "erakunde arteko lankidetzari zor zaion errespetu falta nabarmena" uzten du agerian eta azpimarratu duenez "Gobernu taldearen ezeraginkortasunak eramanda, bereak ez diren lanak hartzera  iristen da". Gogoratu duenez, "EAJk hilabeteak daramatza bere kezka adierazten Barakaldoko talde sozialistaren jarduerarik ezagatik, azken garaian E Planaren bidez egin diren lanetatik bizi baita". Del Campok azaldu duenez, udal administrazioak "geldiune nabarmena bizi du eta hau oposizioko alderdiek salatu dute aspalditik", horrez gain, azpimarratu duenez, "Barakaldoko PSE ideia faltan dago".