Imanol Landa alkatearekin izan dira Aintzane eta Joseba Andoni, Agirre Lehendakariaren seme-alabak; Eusko Jaurlaritzako aurreko lehendakari, Juan Jose Ibarretxe;  EAJren EBBren lehendakaria, Iñigo Urkullu; Bizkaiko Ahaldun Nagusi, José Luis Bilbao; Getxon demokrazia aldian alkate izandako Jesús Javier Aguirre, Francisco Javier Urrechua, Javier Sarria eta Iñaki Zarraoa; Getxoko Udaleko alderdi politikoen eledun eta zinegotziak (EAJ, PP eta PSE-EErenak); eta euskal politikagintza, instituzio, gizarte eta kulturgintzako ordezkaritza zabal bat.

Joseba Agirre, Lehendakariaren semeak, bere aldetik eskerrak eman ditu omenaldiarengatik eta aitak izan zuen bizitza tinkoaren pasadizo batzuk gogora ekarri ondoren, baloreei garrantzi handia ematen zien gizona zela azpimarratu du. "Eta, guztien artean, garrantzitsuenak, oinarrizkoak: familia eta euskara".

Juan Jose Ibarretxe Lehendakariak esan duenez, "Agirre tar Jose Antonio lehendakari handi bat izan zen, pertsona esanguratsua, euskal herriaren eskubide historikoetan sinesten zuena, euskal Foruetan sinesten zuena, oraindik ere Euskal Herriaren  benetako Konstituzioa direla".