El Correo egunkariak egin dion elkarrizketa batean adierazi duenez, egungo egoera abagunekoa da eta denak ari dira ETA desagertu osteko agertokia prestatzen, "baina ETA hemen delarik". "PSE ez dago batere eroso PPrekin duen itunarekin. Sozialistek, seguru aski, ez dute euren burua boterean ikusten legegintzaldi honetatik eta hurrengo lau urteetatik haratago. Ondorik, ezker abertzalea ere jokoan sartuko den aukerak planteatuko dituzte, ETA desagertuta gero. Dena den, EAJ izango da, lehen eta orain bezala, euskal politikaren ardatz nagusia", adierazi du Ortuzar burukide jeltzaleak.

Eusko Alkartasuna sortzea eragin zuen EAJren zatiketa gogoratu ondoren, Bizkaiko jeltzaleen lehendakariak adierazi du "EAren buruzagiak indar multzo subiranistara joan direla eta hauteskundeetan baseak EAJra etorri zirela" ematen duela". "Ezker abertzaleak helduleku bat behar du, harik eta legezkoa izan arte", esan du.