2010/09/22

Maruri-Jatabeko ikastaro egitasmoa adin eta sakela guztietara irekitzen da UBK Txartel berriaren bidez

Ikasturtearekin batera, eskolaz kanpoko ekintzekin osatzen den pareko bidea hasten da. Maruri-Jatabeko Udalak era guztietako jarduera kultural eta kirolekoak eta ikastaroak antolatu ditu eskola umeei eta bere gurasoei zuzenduak. Aukeratu duten goiburua erabilita "oso erraza" izango da  zerbitzu hauek jasotzea. UBK Txartela berriaren bidez, Uribe-Butroeko kirol ekipamenduak erabiltzeaz gain, udalek antolatutako jarduera kultural eta ikastaroetan parte hartzerik izango dute prezio bakarrean.