"Imajina ezazu zure Sestao" lemapean talde jeltzaleak datozen asteotan ekimen batzuk bultzatuko ditu, egitasmo politikoan biztanleria inplikatzeko xedez. Horretarako, eskura jarriko dituen bitartekoen bidez herria hobetzeko ideiak eta proposamenak helarazi ahal izango dira.

Datorren astetik aurrera, "auzo ezberdinetako eta pentsamolde ezberdinetako" auzokideekiko bilerak ospatuko dira aparkalekuak, hiriko segurtasuna edo etxebizitza moduko gai estrategiko batzuen inguruan dituzten iritziak ezagutze aldera. Teknologia berriek ere garrantzi berezia izango dute kanpaina honetan. Izan ere,  (josubergara@guresestao.com) e-helbidea  eta  (www.guresestao.com) web gunea jarri dira. Halaber, Facebook, Twitter eta Youtube plataformetan ere badaude hautagaiaren profilak, hauen bidez iradokizunak bidaltzerik izan dadin. Amaitzeko, EAJren zinegotziekin elkartzeko herri ekimenak ere bideratuko dira.