Burukide bizkaitarrak hitz hauek erabili izan ditu iragan den asteartean Gobernu Kontseiluak lege egutegiaren seihilekoko bigarren jarraipenari onespena eman ondoren; egutegi honetan aurreikusten denez atzerapena ematen da lege egitasmo batzuen kronograman, Udal Legeak ere atzerapen honen eragina jaso du.

Ortuzarrek azpimarratu duenez, iragarpen honek suposatzen du Gobernuak ez duela "hitza betetzen" eta "egingo zuela esan zuen lana ere ez dela betetzeko gai izan. Iragarritakoa ezeztatzearen Gobernua da". "Lehenengo gauzak iragartzen ditu eta hilabete gutxiren buruan uko egiten dio betetzeari", gaineratu du. 

Zentzu honetan azaldu duenez, Exekutibo autonomikoa ez da "berak hitzartutako lege egutegia betetzeko" gai izango, ez baita oposizioa izan erritmoak arintzera behartu duena.

EAJ-PNVren BBBren lehendakariak baieztatu duenez, Idoia Mendia Gobernuaren bozeramaileak "eskarmenturik ezak eragindako arazoa" dela esan duen arren, "ezgaitasunak" eta "prepotentzia" ere izan dira "esku artean duena ezagutu gabe,  besteok denbora luzean egin izan duguna egun  bakar batean egin nahi izan duenaren aldetik".