EAJ-PNVren eskaerei jaramon eginez, gaurko Osoko Bilkurak Jaurlaritzari eskatu dio, "sei hilabeteko epean, ESS Bilbaok berezko izaera duen Ikerketa Gune estatusa izan dezan, Euskal Zientzia eta Teknologia Sareko Zientzia eta Unibertsitate Azpisistemaren barruan, ikerketarako garapen autonomo bezala lan egin dezan". Estíbaliz Hernaezek adierazi duenez, "gaur Legebiltzarrean onartu duguna aurrerapausua da gure Taldeak ezarri duen helburua bete bdiean".

Horretarako, Hernaezek uste duenez, eta, Euskal Zientzia, Teknologia eta Berrikuntza Sistema hobetu bdiean, "Eusko Jaurlaritzak, Industria, Berrikuntza, Merkataritza eta Turismo Sailetik, euskal enpresen parte hartzea sustatu eta bultzatu behar du ESS Bilbao proiektuan eta etorkizunean irten litezkeen bestelako proiektuetan ere". Legebiltzarkide abertzaleak amaitu du: "hortaz, López gobernuari eskatzen diogu, Herri honetako zientziaren, teknologiaren eta berrikuntzaren aldeko apostu zorrotza egin dezan eta eragileek eskatzen duten beharrizanei jaramon egin diezaien".