Jeltzaleek adierazpen batean azaldu dutenez, "legegintzaldi hasieran iragarri zuten Basauriko arazo guztiak konponduko zituztela eta horien artean zegoen aparkaleku arazoa" eta "urte batzuk igarota, errealitatea izan da hitz horiek ezeztatu dituena".

EAJren udal taldeak baieztatu duenez, Basauriko auzo ezberdinetako bizilagunekin egindako kalkuluen arabera, Udalak zoru gaineko 350 baino aparkaleku gehiago kendu ditu auzokideei aparkaleku pribatua erostea baino beste aukerarik eman gabe; eta prezioa gure inguruko udalerrietakoa baino handiagoa da.   

Aldi honetan,  "garatu dituzten zentzuzko jarduera eskasen artean" dago  Lope de Vega Ikastetxeko aparkalekukoa; horretan auzo-lagun askorentzako tokia izango da eta erosteko bi solairu izango ditu eta solairu bat txandakako aparkalekurako; horrekin batera dago Pozokoetxeko Trenbide orubean egindakoa, baina "Gobernu taldearen ezgaitasunagatik lupetzarte bilakatu da, eta hori aspaldi iragarri genuen toki hau asfaltatu behar zela esan genuenean, baina udal kudeatzaileek ez ziguten kasurik egin".