Radio Euskadiri eskainitako elkarrizketan azaldu duenez EAJ-PNVren abstentzioa "Alderdi Sozialistaren eta Patxi Lopezek zuzentzen duen Gobernuaren eskuetan" dago.  Aldi berean,Jeltzaleek aldundietako kontuak negoziatzeko orduan mantendu izan duen "elkarrizketarako jarrera bera" mantentzea eskatu die.

"Gurekin hitz egiteko prest zeudela esateko lehen harremanaz aparte, ez digute galdetu guk aurkeztu ditugun zuzenketen inguruan, eta ahalegin garrantzitsua egin izan dugu aurrekontua serioski zuzentzeko" iragarri du.

Dena dela, argitu egin du euskal kontu publikoek ez dutela bere alderdiaren aldeko botoa jasoko, "A ereduaren aldeko apustu lotsagabea egiten delako, eta horrek ezinezko egiten du jeltzaleen baietza".

Ortuzarrek azaldu duenez EAJren abstentzioa eragingo luketen modifikazioak dira Hezkuntza, B+G+i eta "euskal nortasuna, kultura eta hizkuntzaren sustapena". "Benetan sinesten dut akordioetara iristeko aukera dagoela" gaineratu du.