Mintegiaren antolatzaileen ustez, gure garaiaren ezaugarri nagusienetako bat “profesional horien gero eta mugikortasun handiagoa da, eta horrek gero eta integratuagoa eta lehiakorragoa den merkatu globala eratzen du. Krisialdi ekonomikoa talentuaren fluxu globaletan eta lehiakortasunean ere izaten ari da eragin erabakigarria enpresa arloetan eta eremu geografikoetan, talentua erakartzeko, atxikitzeko eta garatzeko."

Lau helburu nagusi lortu nahi ditu ikastaroak: profesional horien mugikortasuna lurraldeen lehiakortasunean izaten ari den eragina aztertzea ikuspegi konparatu batekin; talentua kudeatzeko, erakartzeko eta atxikitzeko lurralde estrategiak erkatzea; lankidetza publiko eta pribaturako ereduak aztertzea talentuaren kudeaketan eta mugikortasunean; eta gure inguruko talentuaren kudeaketa eta mugikortasuna hobetzeko ondorioak lortzea.