Arduraturik gaude Europako herrialde demokratetan muturreko eskuindarren gorakada ikusita. Ideia hauek ez dituzte beste ideiak errespetatu izan, baina erakusten ari dira orain ere ez dituztela errespetatzen. Europak bere sineskera politikoan ditu demokrazia, askatasuna, berdintasuna, parte-hartzea eta jasangarritasuna.

Larria da oso Osloko erdigunean gertaturikoa, baina zorionez, ez dira izan zitezkeen bezain gogorrak izan bere ondorioak. Ez da horrela izan, ordea, Utoya irlan: bertan, 570 gazte laborista zeuden, kanpaldi batetan bildurik, euren ideia politikoetan sakondu eta eztabaidatzeko, baina tiroketaren ondorioz, eta horri ihes egiteko saiakeran, uretan 84 gaztek bizia galdu dute.

Euzko Gaztedik (EGI) doluminak eta solidaritatea adierazi nahi dizkie Norvegiako herriari, biktima orori, horien familiei, eta nola ez, DNA alderdiari eta haren gazte erakundeari ere bai. 

EGIn argi daukagu biolentziak ez garamatzala inora eta gure konpromisoa argia da bakearekin eta guzti-guztion arteko elkarrizketarekin.