Haien iritziz, eskerrik zintzoenak eman behar dizkiogu egun honetan baserritarrei, beren ahalegin eta lanagatik; izan ere, kalitate-berme guztiak dituzten produktuak eskaintzen dizkigute, eta, horrez gainera, konpromisoa hartzen dute gure landa-ingurua eta ingurumena zaintzeko. Gainera, poza adierazi dute ekoizleak gero eta gazteagoak direlako.

Gernikan, egun honetan, sektorearen gaur egungo egoera islatu da. Bisitariek hala ikusi ahal izan dute azokan egindako paseoan: pertsona berritzaileek zuzendutako ustiapen profesionalak; balio handiko azpisektoreetan bildutako ekoizpenak (berotegiko ortuak, txakolina, gazta, esnea, eta abar); kalitateko ekoizpen bereziak (jatorrizko deiturak, labelak, ekoizpen integratua eta ekologikoa, eta abar); ingurumena zaindu eta kontserbatzen duten ustiapenak, eta hiriko pertsonen antzeko errenta-maila eta bizi-kalitatea.