Lan hauek saritzeko, herriko Ludotekan erakutsiko dira urtarrilaren bostera arte. Argazki irabazlea Lur Olabarrik egin du eta Areatzako bizilagun bik eta Benja Irusta Kultura Zinegotziak osatutako epaimahaiak aukeratu du. Saridunak birentzako afaria irabazi du igerilekuetako Aldamin jatetxean. Gainerakoekin Udalak 2012ko egutegia ostuko du eta horretarako aukeratu ditu  herria ordezkatzen duten hamabi irudi.

Lehiaketa honetara aurkeztutako irudiekin eginiko egutegia Errege Egunaren ostean eskainiko da. Une horretatik aurrera, herritarren artean banatuko da  eta beren ormak auzokiderik artistenek ateratako irudiekin jantzi ahal izango dituzte.